"හිට්ලර්ගේ විශිෂ්ට චිත්‍ර" - "හිට්ලර්ගේ විශිෂ්ට චිත්‍ර" - Shaa Gossip, Gossip Lanka News | Shaagossip | Shaa Gossip | Shaa Fm Gossip | Shaa Gossip Official Web Site | Gossip Lanka

Subscribe/Quick Links

Feb

"හිට්ලර්ගේ විශිෂ්ට චිත්‍ර"

3,575 Views

නාසිවාදයෙන් ජීවිත දහස් ගණනක් විනාෂ කරමින් ලෝකයම යුද්ධයකට ඇද දැමු හිට්ලර් රළු පාලකයෙක් විදියටයි හැමෝම දන්නේ.

නමුත් ඔහු ඉවසිලිවන්ත විශිෂ්ට චිත්‍ර ශිල්පියෙකු බව කව්රුත් නොදන්නා කරුණකි.

ඇඩොල්ෆ් හිට්ලර්, පසු කලෙක ලෝකය විනාශ කළ දරුණු අධිරාජ්‍යවාදියෙකු ලෙස අවාසනාවන්ත මරණයකට හිමිකම් කීවා.

හිට්ලර් කුඩා කල වාසය කළ නිවස එදා සහ අද

හිට්ලර් කුඩා කාලයේ

1889 වසරේ අප්‍රේල් මස 20 වන දින ඔස්ට්‍රියාවේදී මෙලොව එළිය දුටු ඇඩොල්ෆ් හිට්ලර්ගේ එක ම අරමුණ වී තිබී ඇත්තේ, ගෘහ නිර්මාණ ශිල්පයෙහි සහ සිතුවම්කරණයෙහි ශ්‍රේෂ්ඨයෙකු බවට පත් වීම ය.

කුඩා කල පටන් ම හිට්ලර් අතිදක්ෂ චිත්‍ර ශිල්පියෙකු බවට පත් වීමේ පෙර නිමිති පළ කර තිබූ අතර 1907 වසර කාලය වන විට ඔහුගේ එක ම ආශාව වූයේ, ඔස්ට්‍රියාවේ වියෙනාහි Art Academy නමැති චිත්‍ර පාසලට ඇතුළත් වීම යි.

එහෙත්, දෙවරක් ම ඔහුගේ ඉල්ලුම් පත්‍රය ප්‍රතික්ෂේප විය.
සිය දක්ෂතා පිළිබඳව අතිශය ආත්ම විශ්වාසයක පසුවූ ඇඩොල්ෆ් හිට්ලර්ට එය දරාගත නොහැකි දුකක් විය.

ඔහු අනුමාන කළේ, යුදෙව් ජාතික මහාචාර්යවරයෙකු විසින් සිය ඉල්ලුම් පත ප්‍රතික්ෂේප කරනු ලැබූ බව ය.

එම මහාචාර්යවරයා හිට්ලර්ගේ ඉල්ලුම් පත්‍රය ප්‍රතික්ෂේප කර තිබුණේ, මිනිස් රූ සිතුවම් කිරීමේදී හිට්ලර් නොසැලකිලිමත් ලෙස කටයුතු කර ඇති බව පවසමිනි.

කෙසේ වෙතත්, ගොඩනැගිලි සහ ස්වභාවික දර්ශන සිතුවම්කරණයෙහි හිට්ලර් අතිවිශිෂ්ටයෙකු විය.

‍පසුව ඔහු සිය සිතුවම් අලෙවි කර මුදල් ඉපයීමට පෙළඹිණි.

සිය සිතුවම්වලට ජර්මනියේ හොඳ වෙළෙඳපොළක් ඇති බව සිතූ හිට්ලර් 1925 වසරේදී ජර්මනියට සංක්‍රමණය විය.

සිය සිතුවම් අලෙවි කර ගැනීමේ අරමුණින් ජර්මනියට පැමිණි ඔහු පසු කලෙක එරට නාසි පක්ෂයේ නායකයා මෙන් ම ජර්මනියේ නායකයා බවට ද පත් විය.

හිට්ලර් සතුව පැවති සිතුවම්කරණයෙහි දක්ෂතාව සැලකිල්ලට නොගෙන සිටීම නිසා ම විශිෂ්ට ගෘහ නිර්මාණ ශිල්පියෙකු සහ චිත්‍ර ශිල්පියෙකු ලෝකයට අහිමි විය.

ඒ වෙනුවට ලෝකයට ලැබුණේ, යුදෙව්වන්ට වෛර කළ දරුණු අධිරාජ්‍යවාදියෙකි.

මෙය සමස්ත ලෝකයේ ම ගුරුවරුන් මෙන් ම දෙමාපියන් ද කියවිය යුතු පාඩමක්ය යන්න අපගේ හැඟීම ය.

තමන් සතු දක්ෂතා ඉස්මතු වන්නට ඉඩ නොදී නොමග යන දරුවන් කොපමණ පිරිසක් මේ ලෝකයේ සිටීදැයි අපට සිතා ගත හැකි ය.

ඊට සිය දරුවන්ගේ දක්ෂතා සහ ඔවුන්ගේ රුචි අරුචිකම් තේරුම් නොගන්නා දෙමාපියන් සහ ගුරුවරුන් වගකිව යුතු නොවේ ද?

ලෝකයට තව ත් අධිරාජ්‍යවාදී හිට්ලර්ලා බිහි නොවන්නට නම් දෙමාපියන් සහ ගුරුවරුන් තමන්ට අවශ්‍ය පරිදි දරුවන් මෙහෙයවීම වෙනුවට ඔවුන්ගේ දක්ෂතා ගැන අවධානය යොමු කළ යුතුව තිබේ.

හිටලර් විසින් අඳින ලද විශිෂ්ට සිතුවම් කිහිපයක් පහත දැක්වේ.