3,458 Views 
චීනයේ කුන්මින්ග් ප්රදේශයේ පිහිටි මේ සම්භාහන මධ්යස්ථානයට සියායෝගේ මුත්තණුවන් ඇය කැටුව පැමිණ ඇත්තේ මීට මසකට පමණ ඉහතදීය.සියායෝ තම මිණිබිරිය යැයි හඳුන්වාදී තිබෙන ඔහු තමා පැමිණියේ හොද ස්නානයක් හා සම්භාහනයක් ලබා ගැනීමේ අරමුණින් බව පවසා ඇත.
ඒ කටයුතු අවසානයේ ඔහු කියා ඇත්තේ මුදල් ගෙන එමට අමතකවූ බවය.තමන් මුදල් ගෙන එන තෙක් ඇපයට තමන්ගේ මිණිබිරිය සියායෝ මෙහි තබා යන බව පවසා තිබෙන ඔහු පිටව ගොස් ඇත.
දැන් මසක් ගතවී ගොසිනි.ඔහු තවමත් පැමිණ නැත.තම මුත්තණුවන් පැමිණෙන තෙක් සියායෝ බලා සිටින්නීය.
සියායෝගේන් ඇයගේ පවුලේ විස්තර ලබාගැනීමට සම්භාහන මධ්යස්ථානයේ කාර්යමණ්ඩලය උත්සාහ කර ඇතත් එය සාර්ථකව නොමැති බව සඳහන්ය.අවසානයේ සියායෝ ගැන ප්රදේශයේ පොලිසියට මෙන්ම සමාජ සේවා සේවකයින්ට දැනුම් දුන් විට ඔවුන් ආ අද හෙට එයාව එක්කන් යන්න එයි” යැයි පවසා සිටි බව කාර්යමණ්ඩලය කියයි.
සියායෝ දැන් සම්භාහන මධ්යස්ථානයේ කාර්යමණ්ඩලය හා ඉතාම කුළුපගය.ඇයට අවැසි ආරක්ෂාව හා සෙනෙහස ලබාදෙන්නේ ඔවුන්ය.ඇය වෙනුවෙන් වෙනම ඇඳක්ද පිළියෙල කර දී තිබෙන අතර පාලූව මකා ගැනීමට ඇයට රූපවාහිනියක්ද ලබාදී ඇත.
සියායෝගේ තොරතුරු මාධ්ය මගින් ප්රසිද්ධ වීමත් සමග මෙතෙක් නිදා සිටි පොලිසිය හා සමාජ සේවා ආයතය ඇය ගැන ලොකු උනන්දුවකින් මේ දිනවල කටයුතු කරමින් සිටිනු දැකගත හැකිය.හැකි ඉක්මනින් සියායෝ රැගෙන යෑමට පැමිණෙන්නැයි ඇයගේ පවුලේ සාමාජිකයින්ගෙන් ඉල්ලා සිටින බව ඔවුන් කියයි.
කිසිවෙකුහෝ ඉදිරිපත් නොවුනහොත් ඇයව සමාජ සේවා සේවකයින්ගේ භාරයට ගැනෙනු ඇත.
