දීපිකා පදුකෝන්, රන්වීර් සිං සහ ෂාහිඩ් කපූර් ප්රධාන චරිත නිරූපණය කරන ‘පද්මාවතී ’ චිත්රපටය බොක්ස් ඔෆිස් වාර්තා බිඳ දමා ඇතැයි ඉන්දීය පුවත් සේවා වාර්තා කරනවා.
පද්මාවතී චිත්රපටය තිරගත වීම ඇරැඹුණේ පසුගිය 25 වැනිදාය. ඉන්දියාවේ පමණක් නොව, රටවල් රැසක ‘පද්මාවතී ’ චිත්රපටය තිරගත වීමට නියමිතයි. විරෝධතා හේතුවෙන් ඉන්දියාවේ ප්රාන්ත හතරක පමණක් චිත්රපටයට ප්රදර්ශනය නොකෙරෙන බව වාර්තා වෙනවා.
ඉන්දීය මාධ්ය වාර්තා කළේ චිත්රපටය තිරගත කර දෙවැනි දිනය වෙද්දී, එය ඉන්දීය රුපියල් කෝටි 56 ක් උපයා ඇති බවය.
චිත්රපටයේ අධ්යක්ෂ සන්ජේ ලීලා බන්සාලි පවසා ඇත්තේ චිත්රපටයට නිර්මාණයට ඉන්දීය රුපියල් කෝටි 190 ක් වැය වුණු බවය.
‘පද්මාවතී ’ චිත්රපටයේ ‘පද්මාවතී’ රැජින ලෙස දීපිකා පදුකෝන්ගේ රංගනය විශිෂ්ට බවත්, ඇය ඉදිරියේ දී නිසැක වශයෙන්ම සම්මාන රැසකට පාත්ර වනු ඇති බවත් සිනමා විචාරකයන්ගේ අදහස වී තිබේ.
‘පද්මාවතී ’ චිත්රපටය නිර්මාණය වී ඇත්තේ ‘පද්මාවතී’ යන නමින් නම් කළ සූෆි මුස්ලිම් කවියකු වන මලීක් මුහම්මද් ජයාසිගේ කාව්යයක් පාදක කර ගනිමිනි.