110,848 Views 
රෝසලියා ලොම්බාදෝ නම්වූ එම දැරිය නිව්මෝනියා රෝගය හේතුවෙන් 1920දී මියගියා. ලොම්බාදෝ ලෙස හඳුන්වන ඉතාලියානු නිලධාරියෙකු වූ එම මහතාට තම දැරියගේ අකල් වියෝව දරාගත නොහැකි දුකක් වුනා.
ඇය මෙලොව හැරදමා ගියද ඇයගේ මතකය සදාකල් ආරක්ෂා කරගැනීමට ඔහුට අවශ්‍ය වුනා. එම නිසා ඇල්ෆාදෝ සැලෆියා කියන සුප්‍රසිද්ධ එම්බාම් කරු කැඳවා දැරියගේ දේහය අවුරුදු සියගණනක් වුනත් කල්වපතින ලෙස එම්බාම් කිරීමට කටයුතු කර තිබෙනවා. ඔහු දැරියගේ ශරීරයෙන් රුධිරය ඉවත්කොට ඒ වෙනුවට ෆොමැල්ඩිහයිඞ් පුරවා ඇසිඞ් සහ ඇල්කොහොල් වලින් දේහය පිරියම් කරමින් තමයි එම්බාම් කටයුතු සිදුකොට තිබෙන්නේ. අවුරුදු සියයයක් ගතවුනත් ඇයගේ මෘත දේහය ඇදහිය නොහැකි ලෙස තවමත් ආරක්ෂාවී පවතින හැටි නම් අතිශයින්ම විශ්මයජනකයි.
අවුරුදු සියගණනක් පැරණි එම දැරියගේ මෘතදේහය දකින ඕනෑම කෙනෙකුට ඇය දැන් නැගිටිතියි යන සිතුවිල්ල නැගෙනවා. ඒ තරමටම දේහය වඩාත් හොඳින් ආරක්ෂාවී පවතිනවා. ඇය මියගොස්ද ? එසේත් නොමැතිනම් ඇය තවමත් ජීවතුන් අතර සිටිනවාද යන සැකය ඔබේ සිතට නැගේවි.
මෙම කොලිස්ටරය දැකගැනීමට පැමිණෙන බොහොමයක් සංචාරයකින් ඇය දෙනෙත් විවර කරනවා තමන්ගේ ඇස් දෙකෙන්ම දැක තිබෙනවා. විශේෂඥයින් නම් පවසන්නේ, මදක් අඩවන්ව ඇති ඇගේ දෙනෙත් සහ ඒ මතට වැටෙන ආලෝකය නිසා ඇතිවෙන දෘෂ්ටි මායාවක් හේතුවෙන් එවැන්නක් දිස්වෙන බවයි.
කැමරා කාචයට හසුවුණු එම අද්භූත සිදුවීම ස්ලෝ මෝෂන් තාක්ෂණයෙන් ඔබට පහතින් දැකගන්නට පුළුවන්.
රොසලියා ලොම්බාදෝ ලෙස හඳුන්වන මෙම මමිය මිහිපිට ඇති වඩාත් හොඳින් ආරක්ෂා වී පවතින මමී අතරින් එකක් ලෙස හඳුන්වන්න පුළුවන්. එය දකින ඕනෑම කෙනෙකු පුදුමයෙන් පුදුමයට පත්වෙනවා. අවුරුදු 2ක් පමණක් වයසැති දැරියකගේ මුහුණේ ඇති අහිංසක කම මියයන මොහොතේ පැවති ආකාරයට තවමත් පැවතීම ඇත්තෙන්ම පුදුමයට කරුණක්. දෑස් වල ඇති ජීවමාන ස්වභාවයද කෙනෙකු මවිතයට පත්කිරීමට සමත් වෙනවා.
Make a Comment
Make a Comment
මෙන්න බලන්න තවත් ගොසිප්
Hot Gossip
Recent Gossip Post
නැගලා යන ගොසිප්
Top 10 Commenters
Latest Comments