4,669 Views 
ස්පාඤ්ඤය බලධාරීන් විසින් පසු ගිය සතියේ අයිවරි කෝස්ට් හිදී අවුරුදු 8ක දරුවකු සුට් කේස් එකක් තුල ගුලි වී සිටියදී සොයාගන්නා ලදී. මේ දරුවා සොයාගෙන තිබෙන්නේ ඔහුගේ පියා මේ දරුවා නීති විරෝධිව මොරොක්කෝ සිට සිව්ටා (Ceuta) ප්‍රදේශයට රැගෙන යාමට උත්සාහ කල අවස්ථාවේදී යි. දේශසීමාවේ ඇති ආරක්ෂක උපකරණ වලින් ගත් X කිරණ චායාරූපයකින් ගමන් මල්ල තුල කුඩා දරුවකු ගුලි වී සිටින ආකාරය දැක ගැනීමට ලැබී තිබෙනවා. ඔවුන් වහාම මේ බෑගය විවෘත කිරීමට කටයුතු කර තිබෙන අතර ඒ වන විටත් දරුවා අයහපත් තත්වයකින් පසු වූ බව ආරක්ෂක අංශ නිලදාරියකු පවසා තිබෙනවා.
මේ ගමන් මල්ල රැගෙන යමින් සිටි 19 හැවිරිදි තරුණිය මේ දරුවාට සම්බන්ධ නොවන අතර දරුවාගේ පියා විසින් කුලී පදනම යටතේ ලබා ගත් අයෙකු බවටත් හෙළි වී තිබෙනවා. කෙසේ වෙතත් දරුවාගේ පියා මේ පිළිබඳව අදහස් පල කරමින් පවසා සිටියේ තම දරුවා මෙලෙස ගමන් මල්ලක ගෙනයන බව තමා දැන නොසිටි බවයි.
දරුවාගේ පියා ස්පාඤ්ඤයේ කැනරි දූපත් ආශ්‍රිතව ජීවත් වන අතර ඔහු තම පුතා සමඟ නැවත එකතු වීමට අපේක්ෂා කර ඇති අතර ඒ සඳහා ඔහු ඉදිරිපත් කල ඉල්ලීම නිතිය මගින් ප්‍රතික්ෂේප වූ බවත් ඔහු වැඩිදුරටත් පවසා තිබේ. සිද්ධියට සම්බන්ධ වූ කාන්තාව එම ස්ථානයේදී ම අත්අඩංගුවට ගැනුණු අතර දේශ සීමාව පසු කර සිටි දරුවාගේ පියාත් පැය කිහිපයකට පසු සොයාගැනීමට හැකි විය.
Ceuta සහ Melilla යනු ස්පාඤ්ඤයට අයත් ප්‍රදේශ දෙකක් වන අතර එම ප්‍රදේශ මොරොක්කෝ වෙරළට ආසන්න අතර ස්පාඤ්ඤ ආරක්ෂක අංශ විසින් දැඩි රැකවල් යොදා ඇති ප්‍රදේශයකි. නමුත් මොරොක්කෝව තවමත් මේ ප්‍රදේශ වලට පරමාධිපත්‍යය කියා පායි.
Make a Comment
Make a Comment
මෙන්න බලන්න තවත් ගොසිප්
Hot Gossip
Recent Gossip Post
නැගලා යන ගොසිප්
Top 10 Commenters
Latest Comments